想欲創作歌仔/四句連的朋友，佇知影押韻的規則了後，著愛開始揣韻腳來鬥句。
咱會使用ChhoeTaigi 線頂辭典來揣。毋過無仝的聲調，揣的方法嘛無仝：
欲揣韻腳的第一步是選『相關–ê』kah 『白話字(輸入法)』
下跤直接用舉例的方式來說明：
第一四聲：若是欲揣 “ong” 這个韻母發第一聲的韻腳，會使用 ~<ong$ 來查。若是欲揣 “oh” 這个韻母發第四聲的韻腳，會使用 ~<oh$。
第二三五七八聲：若是欲揣 “ong” 這个韻母發第 2,3,5,7 聲的韻腳，會使用 ong2@ ong3@ ong5@ ong7@ 來查。若是欲揣 “oh” 這个韻母發第 8 聲的韻腳，會使用 oh8@。
若是欲揣兩個以上的聲調，會使用 ( | ) 符號：
比論講四句連第三句愛用第 2, 3, 7 調，假使欲揣 ang 的韻腳，咱會使用 ang(2|3|7)@ 來查。
毋過若是欲揣 ang 第 1, 5 調(第二、四句愛用)的時陣，咱愛使用 ~<ang(1|5)$ 來查。
