| ji̍t-thâu lo̍h-soaⁿ àm-sô-sô chhiu-kûi àⁿ-thâu niû chhōe-bô bô-thang sè-kan sio óa-khò chí-kiû bāng-tiong chhiùⁿ sio-po hoe-siā lo̍h-thó͘ ū cha̍p-nî chhin-chhiūⁿ cha-mê chiah sio-sî him-siān gû-nn̂g kah chit-lí sai-gû bāng goe̍h bô liáu sî hó-ūn chhōa tio̍h bó͘-tōa-chí ta̍k-hāng ū lí lâi î-chhî oàn-thàn siōng-tè lâi chhòng-tī pàng gún ko͘-toaⁿ khang hi-bî m̄-chai hô͘-tô͘ iah tì-hūi kè-tio̍h chit-ê bái koh thûi ka-chài cha-a-kiáⁿ bô làu-khùi chìm-chúi hō͘ soah o͘-hûn khui a ché kui-ji̍t siáu koa-á-hì phah-sí bô cháu tio̍h-sī i kín-kín lâi koh kín-kín khì pun-pho chò-hì bô kui-kî sió-moāi sai-nai tit lâng thiàⁿ ba̍k-sek ē khòaⁿ gín-á-chiaⁿ bē-ài thàn-sōm sī ū iáⁿ cheng-kong bô tòe pin-nn̂g kiâⁿ a-kong a-má sio-cheⁿ thiàⁿ a-kū ko͘ î leh tàu chhiâⁿ lāu-su thiàⁿ-thàng sī chin-chiàⁿ nā pí hó-miā it-tēng iâⁿ hong-chhoe tn̄g-sòaⁿ nā bîn-bāng ná-ē chi̍t bāng thoa cha̍p tang ǹg-bāng ūn-miā mài hí-láng tán-thāi bāng-chhéⁿ hit chi̍t kang Iû-tâng khui-hoe pe̍h chhang-chhang kòa-tiàu a-niû i chi̍t-lâng koa-á chhiuⁿ chhut sim-thâu pàng ba̍k-sái póe-lī khui sim-thang | 日頭落山暗趖趖 秋葵向頭娘揣無(秋葵=向日葵, 向頭=低頭) 無通世間相倚靠 只求夢中唱相褒 花謝落土有十年 親像昨暝才相辭 欣羨牛郎佮織女 犀牛望月無了時 好運娶著某大姊 逐項有你來維持 怨嘆上帝來創治 放阮孤單空稀微 毋知糊塗抑智慧 嫁我這个䆀閣搥 佳哉查囝無漏氣 風停雨煞烏雲開 阿姊規日痟歌仔戲 拍死無走著是伊 緊緊來閣緊緊去 奔波做戲無歸期 小妹司奶得人疼 目色會看囡仔精 袂愛趁蹌是有影(趁蹌=盲從、跟風) 精光無綴檳榔行 阿公阿媽相爭疼 阿舅姑姨咧鬥晟 老師疼愛是真正 若比好命一定贏 風吹斷線若眠夢 哪會一夢拖十冬 向望運命覅戲弄 等待夢醒彼一工 油桐開花白蒼蒼 掛吊阿娘伊一人 歌仔唱出心頭放 目屎掰利開心窗 |
Cha̍p-nî su chhe 十年思妻
